Əlcəzair mətbuatı: “Benzianın “Qarabağ”dakı çıxışı onun müstəsna formada olduğunu göstərir”

Əlcəzair mətbuatı “Qarabağ”ın yarımmüdafiəçisi Yassin Benzianın oyunundan və millidəki rolundan yazıb.

Komanda.az xəbər verir ki, “Fennec Football” nəşri Ağdam klubunun futbolçusu barədə bunları qeyd edib

“Artıq Afrika Millətlər Kubokuna vəsiqə qazanan Əlcəzair millisi seçmə mərhələ oyunlarında Ekvatorial Qvineya və Liberiya komandaları ilə qarşılaşmağa hazırlaşır. Bu mövsüm artıq 5 qol vurduğu və eyni sayda məhsuldar ötürmə verdiyi Yassin Benzianın “Qarabağ”dakı çıxışı onun müstəsna formada olduğunu göstərir. Onun milli komandada olması Mərakeşdə keçirilən Afrika Millətlər Kubokunun qalibi olmaqda həlledici rol oynaya bilər”.