Arda Gülər: ”Əla oyun keçirdik”

“Real”ın yarımmüdafiəçisi Arda Gülər İspaniya kubokunda “Deportiva Minera” üzərində qələbəni (5:0) şərh edib.

Komanda.az xarici KİV-ə istinadən xəbər verir ki, o, oyunun əla keçdiyini bildirib:

“Ümid edirəm ki, biz qələbə qazanmağa və keyfiyyətli futbol oynamağa davam edəcəyik. Əla oyun keçirdik, komanda işi əla idi. Azarkeşlər bizi hər yerdə dəstəkləyir, gözəl futbol və qələbə ilə cavab verməyə çalışdıq. Ümid edirik ki, onlar bizimlə olmağa davam edəcəklər”.

19 yaşlı türk futbolçu bu mövsüm İspaniya çempionatında 14 oyuna çıxıb, 1 qol vurub və 3 məhsuldar ötürmə edib. Onun klubla müqaviləsi 30 iyun 2029-cu ilə qədərdir.