Alonso: “Əla nəticə oldu”

“Bayer”in (Leverkuzen) baş məşqçisi Xabi Alonso Bundesliqanın 15-ci turunda doğma meydanda “Frayburq” üzərində (5:1) böyükhesablı qələbədən sonra fikirlərini bölüşüb.

Komanda.az xarici KİV-ə istinadən xəbər verir ki, o, oyunu belə şərh edib:

“Əla nəticə oldu. Açıq yerlər tapmaq o qədər də asan olmasa da, çox şansımız olmadı. İkinci qoldan sonra komanda bir qədər rahatlaşdı, lakin bu ən yaxşı an deyildi. Konsentrasiyamızı həmişə saxlamalıyıq. Sonra futbolçularım daha üç dəfə qol vura bildilər. Fasiləyə əla əhval-ruhiyyə ilə yola düşdük”.

Leverkuzen klubu 32 xal toplayıb və lider “Bayern”dən 4 xal geri qalaraq, Bundesliqanın turnir cədvəlinin ikinci pilləsində qərarlaşıb.