“Ümid edirəm ki, Messi sağlam qalacaq və uzun müddət MLS-də olacaq”

Şimali Amerika Futbol Liqasının MLS üzrə komissarı Don Qarber “İnter Mayami”nin hücumçusu Lionel Messinin populyarlıq səviyyəsindən danışıb.

Komanda.az “The Independent”-ə istinadən xəbər verir ki, o, argentinalı futbolçu haqda bunu deyib:

“Siz qlobal futbol dünyasında yaşamırsızsa, Messinin universal cazibəsini, böyük populyarlığını və ulduzluğunu təsəvvür etmək sizin üçün çətindir. Ümid edirəm ki, o, sağlam qalacaq və uzun müddət MLS-də olacaq. İstərdim ki, Messi sona qədər bizim liqamızın bir hissəsi olaraq qalsın”.

Messi 2023-cü ilin yayında azad agent kimi PSJ-dən “İnter Mayami”yə keçib. Onun klubla müqaviləsi 2025-ci ilin dekabrın sonuna kimidir. 37 yaşlı hücumçu bu mövsüm 39 oyun keçirib, 34 qol vurub və 19 məhsuldar ötürmə edib.