“Dəfələrlə demişəm, bir daha deyirəm…” – Xavi

“Barselona”nın baş məşqçisi Xavi Serxio Buskets haqda danışıb.

Komanda.az xarici KİV-ə istinadən xəbər verir ki, o, ispaniyalı yarımmüdafiəçinin digər oyunçular üçün nümunə olduğunu vurğulayıb:

“O, digər futbolçular üçün nümunədir. Dəfələrlə demişəm, bir daha deyirəm: mən Busketsin komandada qalmasını istəyirəm”.

34 yaşlı oyunçunun Kataloniya təmsilçisi ilə cari sözləşməsi 2022/23 mövsümünün sonuna qədər nəzərdə tutulub.

Öncədən “Barsa”nın Busketsə illik maaşını 7-8 milyon avroya azaltmaqla yeni müqavilə təklif etdiyi bildirilirdi.

İspaniyalı futbolçu 2005-ci ildən Kataloniya təmsilçisinin heyətindədir. Buskets bu müddətdə 713 dəfə meydana çıxıb.