“Yuventus” Mottanı dəvət etməklə düzgün seçim edib”

“Yuventus”un yarımmüdafiəçisi Adrien Rabio rəhbərliyin Tiaqo Mottanı baş məşqçi təyin etməsinə münasibət bildirib.

Komanda.az xarici KİV-ə istinadən xəbər verir ki, fransalı futbolçu, “Yuventus”un Mottanı dəvət etməklə düzgün seçim etdiyini deyib:

“Tiaqo Motta? O, “Bolonya” ilə yaxşı nəticələr əldə etmiş böyük məşqçidir. PSJ-də birlikdə oynamışıq. Tiaqonun öz karyerası var, mənim də öz karyeram. Gəlin, görək nə baş verir. Düşünürəm ki, “Yuventus” Tiaqo Mottanı dəvət etməklə düzgün seçim edib”.

Rabio 2019-cu ildən “Yuventus”da oynayır və o vaxtdan bəri komanda ilə bir skudetto, iki dəfə İtaliya kubokunu qazanıb.

29 yaşlı futbolçunun klubla sözləşməsi iyulda başa çatır. Lakin “Yuve”nin onunla müqaviləni uzatmaq ehtimalı var.