“Mançester Yunayted” üçün düzgün namizəd Tuxel olardı” – Keçmiş futbolçu

“Mançester Yunayted”in keçmiş futbolçusu Pol Skoulz komandaya uyğun məşqçinin adını açıqlayıb.

Komanda.az xarici KİV-ə istinadən xəbər verir ki, o, almaniyalı məşqçi Tomas Tuxelin adını çəkib:

“Düşünürəm ki, “Mançester Yunayted” üçün düzgün namizəd Tomas Tuxel olardı. Amma o, İngiltərə yığması ilə çalışacaq. Və o, böyük klubu idarə etməyi və böyük matçlarda qalib gəlməyi bilir. O, bunun öhdəsindən gələ bilərdi”.

Daha əvvəl “qırmızı şeytanlar” Erik ten Haqın qovulduğunu açıqlayıb. Niderlandlı mütəxəssis 2022-ci ilin yayında “Mançester Yunayted”ə baş məşqçi təyin olunmuşdu. Klub bu gün yeni baş məşqçinin “Sportinq”i çalışdıran Ruben Amorimin olacağını rəsmən açıqlayıb.