“Futbolun Klublararası dünya çempionatı kimi turnirə ehtiyacı var”

“Arsenal”ın keçmiş baş məşqçisi Arsen Venger Klublararası dünya çempionatı ilə bağlı fikirlərini bölüşüb.

Komanda.az BBC-yə istinadən xəbər verir ki, o, bunu söyləyib:

“Düşünürəm ki, futbolun belə bir turnirə ehtiyacı var. İndiki iştirakçılardan soruşsaz, onlar yüz faiz deyəcəklər ki, hələ də belə bir turnirdə oynamaq istəyirlər. Azarkeşlərin xoşuna gəlirmi? Gözlənilən tamaşaçı az qiymətləndirilib, amma əslində bu, daha çox olub. Bütün cavab budur”.

İyulun 13-də PSJ ilə “Çelsi” arasında Klublararası dünya çempionatının final oyunu keçiriləcək. Parislilər yarımfinalda “Real”ı (4:0), ingilislər isə “Fluminense”ni (2:0) məğlub ediblər.