“O, tədricən öz oyununu tapacaq” – Zidan

İspaniya La Liqasının son turunda “Real Sosyedad”a 1:3 hesabı ilə məğlub olan “Real”ın baş məşqçisi Zinəddin Zidan matçdan sonra açıqlama verib.

Komanda.az İspaniya mətbuatına istinadən xəbər verir ki, məğlubiyyəti şərh edən fransalı mütəxəssis, Marselonun gələcəyi ilə bağlı da danışıb:

“Təəssüf ki, bu oyunda məğlub olduq, amma yaxşı oyun göstərdik. Azlıqda qalmağımıza baxmayaraq, qol epizodları yaratdıq.

Marselonun komandadakı taleyinə gəlincə, o, bizim üçün vacib futbolçudur. Biz Marselonu yenidən ən yaxşı formada görmək istəyirik. Düşünürəm ki, o, tədricən öz oyununu tapacaq.

Brahim Dias da maraqlı, gənc futbolçudur. Növbəti mövsümdə nə baş verəcəyini birlikdə görəcəyik, amma o, bu gün meydana çıxdı və yaxşı oyun göstərdi”.