“Dünyanın gələcəyi Avropada deyil, bu hissələrdədir” – “Əl-Hilal”ın baş məşqçisi

“Əl-Hilal”ın baş məşqçisi Jorje Jesus dünya futbolunun gələcəyinin Səudiyyə Ərəbistanından niyə asılı olduğunu açıqlayıb.

Komanda.az “Record”-a istinadən xəbər verir ki, o, bunları deyib:

“Dünyanın gələcəyi Avropada deyil, bu hissələrdədir. Orada xaos hökm sürür, heç kim heç kimə cavabdeh deyil. Amma bu, idman deyil, siyasi faktordur. Quruluşda böyük fərq tapdım. Biz həddindən artıq isti olan bir ölkədəyik. Stadionlara gedin və meydançaların keyfiyyətinə baxın. Qazonlar qolf meydançalarına bənzəyir. Tamaşaçılar üçün hər cür şərait yaradılıb. Ər-Riyad hər gün böyüyən fantastik bir şəhərdir”.

Portuqaliyalı mütəxəssis məşqçilik karyerası ərzində “Benfika”, “Sportinq”, “Braqa”, “Flamenqo” kimi komandalarda da çalışıb.