Dünyanın ən bahalı futbolçuları açıqlanıb

Dünyanın ən bahalı 100 futbolçusunun adları məlum olub.

Komanda.az xəbər verir ki, Beynəlxalq İdman Araşdırmalar Mərkəzi (CIES) yeni siyahını açıqlayıb.

CIES-in versiyasına əsasən, İspaniyanın “Real” klubunda çıxış edən ingiltərəli Çud Bellingem ilk pillədə qərarlaşıb.

20 yaşlı oyunçunun dəyəri 267.5 milyon avro qiymətləndirilib. İngiltərə təmsilçisi “Mançester Siti”dən norveçli forvard Erlinq Haland (251,2 milyon avro) ikinci, Bellingemin komanda yoldaşı, braziliyalı Vinisius Junior (250,3 milyon avro) üçüncü olub.

“Real”dan Rodriqo (247,9 milyon avro), İngiltərənin “Arsenal” klubundan Bukayo Saka (223 milyon avro), “Mançester Siti”dən Fil Foden (195,8 milyon avro), İspaniya çempionu “Barselona”dan Qavi (175,4 milyon avro), “Mançester Siti”dən Xulian Alvares (164,7 milyon avro), Almaniyanın “Bayern” komandasından Camal Musiala (152,4 milyon avro) və “Arsenal”dan Martin Edeqor (150,6 milyon avro) ilk “10-luğ”u tamamlayıblar.