Dünyanın ən bahalı futbol klubu – “Real”

“Forbes” jurnalı dünyanın ən bahalı idman klublarının yeni reytinq cədvəlini açıqlayıb.

Komanda.az xəbər verir ki, siyahının ilk pilləsində 5 milyard avroluq “Dallas Kovboys” (Amerika futbolu) klubu qərarlaşıb. “Nyu-York Yankis” (beysbol) 4.6 milyard avro ilə 2-cidi. İlk üçlüyü dünyanın ən bahalı futbol klubu olan Madrid “Real”ı (İspaniya) qapayıb. “Kral klubu” 4.24 milyard avro dəyərindədi.

İlk 10-luqda daha 2 futbol klubu yer alıb. “Barselona” (4.02 milyard avro) 4-cü, “Mançester Yunayted” (3.81 milyard avro) 6-cı pillədə yer alıb.

“Forbes”in versiyasına görə, dünyanın ən bahalı 10 idman klubu aşağıda adları qeyd olunanlardı:

1. Dallas Kovboys (Amerika futbolu) — 5 milyard avro
2. Nyu-York Yankis (beysbol) — 4.6 milyard avro
3. Real (futbol) — 4.24 milyard avro
4. Barselona (futbol) — 4.02 milyard avro
5. Nyu-York Niks (basketbol) — 4 milyard avro
6. Mançester Yunayted (futbol) — 3.81 milyard avro
7. Nyu-İnqlend Petriots (Amerika futbolu) — 3.8 milyard avro
8. Los-Anceles Leykers (basketbol) — 3.7 milyard avro
9. Qolden Steyt Uorriors (basketbol) — 3.5 milyard avro
10. Nyu-York Cayants (Amerika futbolu) — 3.3 milyard avro