Dünya Oyunları: Azərbaycan para-üzgüçüsü “gümüş” qazanıb

Azərbaycan para-üzgüçüsü Əli Vəliyev Portuqaliyanın Vila Real de Santo Antonio şəhərində keçirilən Beynəlxalq əlil arabası istifadəçiləri və amputant idmançıların Dünya Oyunlarında gümüş medal qazanıb.

Milli Paralimpiya Komitəsindən Komanda.az-a verilən məlumata görə, o, sərbəst üzmə növündə 1:07:90 nəticə göstərərək 2-ci yerə sahib çıxıb.

Əli Vəliyev milli komandanın üzvü, uşaq paralimpiya hərəkatının yetirməsidir.