Dünya çempionu yayda klubunu dəyişəcək

İngiltərənin “Brayton” klubunun yarımmüdafiəçisi Aleksis Makallister mövsümün sonunda komandanı tərk edəcək.

Komanda.az xəbər verir ki, bunu futbolçunun atası Karlos Makallister Britaniya mətbuatına açıqlamasında deyib:

“Düşünürəm ki, o, növbəti transfer pəncərəsində klubunu dəyişəcək. Onun konkret olaraq hara gedəcəyini hələ bilmirik. Ümumiyyətlə, danışıqlar yeni başlayıb. Çox güman ki, Aleksis iyuldan başqa komandada oynayacaq”.

Argentinalı futbolçu ilə “Arsenal”, “Mançester Yunayted” və “Liverpul”un ciddi maraqlandığı bildirilir. “Brayton” son dünya çempionunun satışından 60 milyon avrodan çox gəlir əldə etməyi düşünür.