Dünya çempionatına uğursuz start

Yaponiyanın paytaxtı Tokioda cüdo üzrə dünya çempionatına start verilib.

Komanda.az xəbər verir ki, yarışın ilk günündə Azərbaycanın 3 cüdoçusu tatami üzərinə çıxıb. Davud Məmmədsoy (60 kq) və Aişə Qurbanlı (48 kq) ilk görüşlərini qalib başa vursalar da, növbəti qarşılaşmalarda məğlub olublar. Leyla Əliyeva (48 kq) isə ilk görüşdə portuqaliyalı rəqibinə uduzub.

Avqustun 26-da Nicat Şıxəlizadə (66 kq), Gültac Məmmədəliyeva (52 kq) və Larisa Florian (52 kq) tatami üzərinə çıxacaq.