Dünya çempionatı: Azərbaycan – Niderland oyununa təyinatlar açıqlandı

Final mərhələsi 2024-cü ildə Özbəkistanda təşkil olunacaq futzal üzrə dünya çempionatının elit-raundunda keçiriləcək Azərbaycan – Niderland oyununa təyinatlar açıqlanıb.

Komanda.az xəbər verir ki, sentyabrın 20-də, saat 20:00-da, Bakı İdman Sarayında keçiriləcək matçı Kiprdən olan hakimlər briqadası idarə edəcək.

Hakimlər: Yianqos Yianqou, Nikolas Nikolaou, Larisa Eleni Avramidou (hamısı Kipr).

Hakim-inspektor: Sebastian Stauicki (Polşa).

UEFA nümayəndəsi: Avi Levi (İsrail).