DÇ-2030 bir aydan çox davam edəcək

2030-cu ildəki dünya çempionatı 39 gün davam edə bilər.

Komanda.az “Mundo Deportivo”-ya istinadən xəbər verir ki, turnirin yüz illiyi şərəfinə Argentina və Uruqvay yığmaları arasında görüşlər iyunun 8-9-da baş tutacaq. Bir neçə gündən sonra, 13-14 iyun tarixlərində başqa ölkələrdə də dünya çempionatının oyunları keçiriləcək.

DÇ-2030-un final matçı iyulun 21-nə təyin edilib. Daha əvvəl xəbər verilmişdi ki, çempionatın həlledici qarşılaşması Madriddəki “Santyaqo Bernabeu” stadionunda baş tutacaq.

2030-cu il dünya çempionatının oyunları İspaniya, Portuqaliya, Mərakeş, Argentina, Uruqvay və Paraqvayda təşkil olunacaq. Dünya çempionatı tarixdə ilk dəfə üç fərqli qitədə keçiriləcək.