Krasson “Qarabağ”la oyunda komandasını necə idarə edəcək?

“Düdelanj” Avropa Liqasının qrup mərhələsinin sonuncu turunda “Qarabağ”la qarşılaşacaq.

Komanda.az xarici mətbuata istinadən xəbər verir ki, Lüksemburq təmsilçisi bu qarşılaşmaya baş məşqçisiz çıxacaq. Buna səbəb komandanın çalışdırıcısı Bertran Krassonun sarı vərəqə limitini dolduraraq, cəzalı duruma düşməsidir. Oyunu tribunadan izləyəcək Krasson, komandanı meydana çıxaracaq köməkçisi Lehit Zeqdaneylə telefon və ya ratsiya ilə əlaqə quracaq.

Bu gün keçiriləcək “Qarabağ” – “Düdelanj” oyunu saat 21:55-də start götürəcək.