Droqba: “Mbappe hazırda çətin dövr yaşayır”

“Çelsi”nin sabiq hücumçusu Didye Droqba “Real”ın fransalı forvardı Kilian Mbappenin cari mövsümdəki çıxışı ilə bağlı fikirlərini bölüşüb.

Komanda.az “RMC Sport”-a istinadən xəbər verir ki, keçmiş futbolçu, Mbappenin hazırda çətin dövr yaşadığını bildirib:

“Mbappe hazırda çətin dövr yaşayır. O, “Real”a asan uyğunlaşmayıb. Düşünürəm ki, o, bu təcrübədən yararlanacaq. Kilian daha yetkin olacaq. Bu, onun və Fransa millisinin xeyrinə olmalıdır”.

Mbappe “kral klubu”na bu yay PSJ-dən azad agent kimi keçib. 25 yaşlı forvard cari mövsümdə 18 oyun keçirib, 9 qol vurub və 2 məhsuldar ötürmə edib.