Dmitri Nazarova qar əngəli

Futbol üzrə Almaniya 2-ci Bundesliqasında 20-ci tur çərçivəsində keçirilməli olan “Ersgebirge” – “Köln” matçı baş tutmayıb.

Komanda.az xəbər verir ki, buna Aue şəhərinə yağan güclü qar səbəb olub.

Matç saatına qədər “Ersgebirge”nin ev oyunlarını keçirdiyi arenanın ot örtüyünü qardan təmizləmək mümkün olmadığından və yağıntı davam etdiyindən, görüşün başqa tarixə keçirilməsi qərara alınıb.

“Ersgebirge”də Azərbaycan yığmasının yarımmüdafiəçisi Dmitri Nazarov da forma geyinir. Onun komandası 20 turdan sonra keçirdiyi 19 oyuna 22 xalla 13-cü pillədə qərarlaşıb.