Diniyevin komandası liderlə bacarmadı

Azərbaycan millisinin futbolçusu Coşqun Diniyev Türkiyənin “Çorum” klubunda növbəti matçına çıxıb.

Komanda.az xəbər verir ki, sözügedən komanda Birinci Liqanın 25-ci turunda lider “Kocaelispor”un qonağı olub və 0:2 hesabıyla uduzub.

Coşqun bu oyunun 83-cü dəqiqəsində meydana buraxılıb.

29 yaşlı yarımmüdafiəçinin komandası turnir cədvəlində 38 xalla beşinci sırada qərarlaşıb.