Diniyev – 200

“Zirə”nin futbolçusu Coşqun Diniyev Misli Premyer Liqasında 200-cü oyununu keçirib.

Komanda.az klubun mətbuat xidmətinə istinadən xəbər verir ki, onun yubileyi 9-cu tura təsadüf edib.

“Zirə” – “Şamaxı” matçına (1:0) start heyətində çıxan 27 yaşlı yarımmüdafiəçi bu qarşılaşmayadək 199 görüşdə forma geyinib. O, Premyer Liqadakı 200 matçda 9 qol vurub.

Coşqun bu oyunlardan 34-nü “Zirə”də keçirib. Yarımmüdafiəçi qəsəbə təmsilçisində 3 qola imza atıb.