Dik Advokatın Niderland klubundan ayrılacağı vaxt məlumdur

“Den Haaq”ın baş məşqçisi Dik Advokat yayda komandadan ayrılacaq.

Komanda.az xəbər verir ki, “Voetbal İnternational”ın məlumatına görə, mütəxəssis bu həftə komandadan getmək qərarını açıqlamalı idi.

75 yaşlı niderlandlı mütəxəssis Dirk Kuytun istefaya göndərilməsindən sonra, keçən il noyabrın sonunda “Den Haaq”ın başına keçib.

Advokatın rəhbərliyi altında komanda Niderland çempionatında turnir cədvəlində 17-ci yerdən 13-cü yerə yüksəlib.