Dibala La Liqa klubunun hədəfindədir

“Roma”nın hücumçusu Paulo Dibala bu yay klubdan ayrıla bilər.

Komanda.az “Todofichajes” portalına istinadən xəbər verir ki, 30 yaşlı futbolçunun karyerasını İspaniya çempionatında davam etdirmək variantı var.

Argentinalı oyunçu ilə “Atletiko” maraqlanır. Madrid klubu yay transfer pəncərəsində Dibalanı transfer etmək istəyir və onun 12 milyon avro məbləğində təzminatını ödəməyə hazırdır.

Dibala bu mövsüm İtaliya çempionatında 26 matçda iştirak edib, 13 qol vurub və 9 məhsuldar ötürmə verib.