Dibala “Roma”da qalacaq

“Roma”nın hücumçusu Paulo Dibala İtaliya klubunun heyətində çıxışını davam etdirəcək.

Komanda.az xarici KİV-ə istinadən xəbər verir ki, argentinalı futbolçu bütün müqavilə şərtlərini yerinə yetirib və buna görə də onun müqaviləsi avtomatik uzadılacaq.

Daha əvvəl mətbuatda Dibalanın “Qalatasaray”a transfer olunacağı ilə bağlı xəbərlər yayılıb. Oyunçu 2022-ci ilin yayından “Roma”da çıxış edir. O, bu mövsüm İtaliya klubunun heyətində 24 matçda iştirak edib, 5 qol vurub və 3 məhsuldar ötürmə verib.