“Ən əsası onun valideynlərinin azadlığa çıxmasıdır” – Klopp

“Liverpul”un baş məşqçisi Yurgen Klopp “Luton Taun”la heç-heçədən (1:1) sonra hücumçu Luis Dias haqda danışıb.

Komanda.az BBC-yə istinadən xəbər verir ki, o, kolumbiyalı futbolçunun çıxışını yüksək qiymətləndirib:

“Luis Diasın qolu əla andır, lakin bu, vəziyyəti dəyişmir. Ən əsası onun valideynlərinin azadlığa çıxmasıdır. Onun burada olmaq istəməsi əla idi. Bizim üçün bu çox vacib bir məqsəddir, onun üçün də emosional olaraq da çox vacibdir.

O, meydanda olanda həmişə mühüm rol oynayır. Biz onun yaxşı oynayacağını bilirdik, lakin Dias komanda ilə cəmi bir neçə dəfə məşq etdiyi üçün onun belə çıxış edəcəyini bilmirdik. O, qol vurdu, düzdür, amma Kolumbiyada işlərin yaxşılaşdığını görməliyik. Oyunun bir neçə əlamətdar epizodu oldu, Dias meydana çıxdı və qol vurdu. Bu, həqiqətən də əladır”.

Valideynləri Kolumbiyada qaçırılan hücumçu 90+5-ci dəqiqədə qol vuraraq, komandasını məğlubiyyətdən xilas edib.