“Bu qələbəyə həqiqətən ehtiyacımız var idi”

“Benfika”nın yarımmüdafiəçisi Anxel di Maria UEFA Çempionlar Liqasının 5-ci turunda “Monako”ya qalib gəldikləri (3:2) oyundan sonra fikirlərini bölüşüb.

Komanda.az UEFA-nın mətbuat xidmətinə istinadən xəbər verir ki, argentinalı futbolçu bu qələbəyə çox şad olduğunu bildirib:

“Mən bu qələbəyə çox şadam. Ona həqiqətən ehtiyacımız var idi. Komanda iki məğlubiyyətdən sonra vacib üç xal qazandı. Vəziyyəti dəyişmək bizim borcumuz idi. “Benfika” əla oyun keçirdi və çətin qələbə qazandı”.

Lissabon komandası Çempionlar Liqasının ümumi mərhələsinin 5 turundan sonra 9 xal toplayaraq, turnir cədvəlinin 14-cü pilləsində qərarlaşıb.