Di Maria 3 illik müqavilə tələb edir

“Yuventus” klubu yayda azad agent olacaq PSJ-nin yarımmüdafiəçisi Anxel Di Mariaya 1+1 şərti ilə müqavilə təklif edib.

Komanda.az İtaliya mətbuatına istinadən xəbər verir ki, argentinalı futbolçu özü isə Turin klubu ilə 3 illik müqavilə imzalamaq istəyir.

Daha əvvəl PSJ-nin Di Maria ilə müqavilənin uzadılmasında maraqlı olmadığı bildirilib.

34 yaşlı futbolçu Liqa 1-in cari mövsümündə PSJ-nin heyətində 22 oyun keçirib, 3 qol vurub və 6 məhsuldar ötürmə verib.

Di Maria əvvəllər “Mançester Yunayted”, “Real” və “Benfika” kimi klublarda çıxış edib.