“Deviçin sıraya dönməsi bizim üçün faydalı oldu”

“Sabah”ın baş məşqçisi Elşad Əhmədov Azərbaycan Premyer Liqasının 23-cü turu çərçivəsində “Səbail”ə qarşı keçirdikləri oyunu şərh edib.

Komanda.az xəbər verir ki, o, 3:1 hesabıyla qalib gəldikləri oyundan sonra təşkil olunan mətbuat konfransında öncə bunları söyləyib:

• Maraqlı oyun keçdi. İlk dəqiqələrdə qol buraxmağımıza baxmayaraq, yaxşı oynadıq. İkinci hissə daha maraqlı oldu. Hücumlarda keyfiyyət görünürdü. Deviçin sıraya dönməsi bizim üçün faydalı oldu. Komandamı təbrik edirəm.
• Eltun Turabovun Şakir Seyidovla əvəzlənməsi nəylə bağlı idi?
• Nəticəyə görə. Şakir perspektivli oyunçudu. Onun gələcəkdə daha yaxşı olacağına inanırıq.
• Bu qələbəyə görə mükafat olacaqmı?
• Qədərini bilmirəm, ancaq bəli, olacaq.
• Bu qələbəylə “Sabah” özünə qayıdırmı?
• Artıq futbolçularda inkişaf görünür. Hər oyuna istəkli çıxırlar.

Şahin Cəfərov