Depay nə vaxt qayıdacaq?

“Barselona” qarşıdakı iki oyunda hücumçusu Memfis Depayın xidmətindən istifadə edə bilməyəcək.

Komanda.az İspaniya mətbuatına istinadən xəbər verir ki, niderlandlı futbolçu bu həftə Avropa Liqasında “Napoli”yə və İspaniya Liqasında “Valensiya”ya qarşı keçiriləcək oyunları buraxacaq.

Depay əzələ problemi səbəbindən yanvarın 12-dən bəri meydana çıxmır.

27 yaşlı hücumçunun fevralın 24-də Avropa Liqasında “Napoli”yə qarşı cavab matçına kimi hazır olacağı gözlənilir.

Depay bu mövsüm “Barselona”nın heyətində La Liqada 16 oyuna çıxıb və 8 qol vurub.