Dembelenin dönüş vaxtı bəlli oldu

PSJ-nin hücumçusu Osman Dembele növbəti dəfə zədələnib.

“Qızıl top”un hazırkı sahibi UEFA Çempionlar Liqasının “Bayern”ə qarşı oyununa start heyətində çıxsa da, artıq 25-ci dəqiqədə baş məşqçi Luis Enrike onu əvəzləməyə məcbur qalıb.

Komanda.az xarici KİV-ə istinadən xəbər verir ki, fransalı futbolçunun sıraya dönüşü bu ayın sonuna planlaşdırılıb. O, noyabrın 26-da keçiriləcək Çempionlar Liqasının “Tottenhem”lə matçında iştirak etməyi hədəfləyir.

28 yaşlı futbolçu cari mövsümdə Paris təmsilçisinin heyətində 9 oyunda meydana çıxaraq, 3 qol vurub və 2 məhsuldar ötürmə verib.