Del Pyero: “Bu bazar günü kimlərsə sevinəcək, kimlərsə yox”

İtaliya millisinin və “Yuventus”un sabiq futbolçusu Alessandro Del Pyero turinlilərin A Seriyasının cari mövsümündəki çıxışını şərh edib.

Komanda.az “Il Bianconero”-ya istinadən xəbər verir ki, italiyalı keçmiş oyunçu “Yuventus”un “Venesiya” üzərində qələbə qazanacağına ümid edir:

“Komanda hələ də UEFA Çempionlar Liqasına düşmək uğrunda mübarizəni davam etdirir. Ümid edirəm ki, “Yuventus” “Venesiya” üzərində qələbə qazanacaq və növbəti mövsüm Çempionlar Liqasında yer alacaq. Bu bazar günü kimlərsə sevinəcək, kimlərsə yox”.

“Yuventus” İtaliya çempionatının son turu ərəfəsində 67 xalla turnir cədvəlinin 4-cü pilləsində qərarlaşıb. Komanda son matçda, mayın 25-də “Venesiya” ilə qarşılaşacaq.