“Yamal yetkin və qeyri-adi oynayır” – Sabiq futbolçu

İtaliya millisinin və “Yuventus”un sabiq hücumçusu Alessandro Del Pyero ispaniyalı futbolçu Lamin Yamalın çıxışını yüksək qiymətləndirib.

Komanda.az “fcinter1908.it”-ə istinadən xəbər verir ki, o, Yamalın hələ 18 yaşına çatmasa da, həm texnikası, həm də meydandakı yetkin davranışı ilə seçildiyini bildirib:

“Müqayisələri sevmirəm, xüsusilə, fərqli futbol dövrləri arasında. Amma Yamal çox təsiredicidir. Yetkin və qeyri-adi oynayır. Texniki baxımdan isə çox istedadlıdır. İnanılmaz bir kombinasiyadır”.

Yamal ötən il milli komanda ilə Avropa çempionu olub, hazırda isə “Barselona” ilə parlaq oyun nümayiş etdirir.