Dekunun “Barselona”da görmək istədiyi futbolçu

“Barselona”nın idman direktoru Deku İngiltərə Premyer Liqasından bir yarımmüdafiəçini komandaya dəvət etmək istəyir.

Komanda.az xarici KİV-ə istinadən xəbər verir ki, portuqaliyalı klub rəsmisi “Everton”dan Amadu Onananı izləyir.

“Everton”un böyük təzminat tələbləri səbəbindən, transfer demək olar ki, qeyri-mümkün hesab olunur. “Barselona”nın maliyyə problemləri var və Onana üçün 60-70 milyon avro civarında pul ödəməyə gücü çatmır.

Onananın xidmətində “Arsenal” və “Bayern” kimi klublar da maraqlıdır.

22 yaşlı belçikalı futbolçu 2022-ci ildən “Everton”da çıxış edir. O, bu komandaya Fransanın “Lill” klubundan qoşulub.