Deku “Barselona”nın transfer planlarını açıqladı

“Barselona”nın idman direktoru Deku komandanın hazırkı vəziyyəti və yay transfer planları barədə danışıb.

Komanda.az “BBC Sport”-a istinadən xəbər verir ki, o, klubun maliyyə problemlərinin olmadığını, ancaq İspaniyada maliyyə feyr-pley qaydalarının daha sərt olduğunu bildirib:

“Klubun hazırda maliyyə problemi yoxdur. Sadəcə, İspaniyada maliyyə feyr-pley qaydaları daha sərtdir. Bu yay lider futbolçularımızı satmaq planımız yoxdur və bahalı transferlər etmək niyyətində deyilik. İki-üç transfer bizim üçün kifayət edəcək. Hazırda bunun üzərində çalışırıq”.

“Barselona” ötən mövsüm İspaniya La Liqasının çempionu olub. Bundan əlavə, komanda finalda “Real”a qalib gələrək, kral kubokunu da qazanıb.