“Oyunumu mütləq yaxşılaşdırmalıyam” – Koutinyo

Almaniya Bundesliqasının 2-ci turu çərçivəsində səfərdə “Şalke”yə 3:0 hesabı ilə qalib gələn “Bavariya”nın futbolçusu Filippe Koutinyo açıqlama verib.

Komanda.az Almaniya mətbuatına istinadən xəbər verir ki, Münhen klubunda debüt edən braziliyalı futbolçu, ilk matçıyla bağlı danışıb:

“Debütümdən çox məmnunam. İlk təəssüratlar əladır. Oyun gərgin keçdi. Əsas odur ki, qələbə qazandıq.

“Bavariya” əla imkanları olan böyük klubdur. Bir neçə gündür ki, burdayam. Oyunumu mütləq yaxşılaşdırmalıyam, bunun üçün də çox çalışacam”.

Koutinyo “Bavariya”ya icarə əsasında “Barselona”dan keçib. O, 2019/20 mövsümünü “Bavariya”da keçirəcək.