De Yonq məşqlərə başlayıb

“Barselona”nın yarımmüdafiəçisi Frenki de Yonq qrupla məşqlərə qayıdıb.

Komanda.az “Mundo Deportivo”-ya istinadən xəbər verir ki, niderlandlı futbolçu ayaq biləyindən aldığı zədə səbəbindən sentyabr ayından bu yana meydana çıxmayıb. 26 yaşlı oyunçu noyabrın 25-də baş tutacaq “Rayo Valyekano” ilə matçda oynamağa hazır olacaq.

De Yonq 2019-cu ilin yayında “Ayaks”dan “Barselona”ya keçib. O, bu mövsüm meydana çıxdığı 6 matçda 1 qol vurub.