De Yonq “Barselona”ya necə keçib?

“Barselona”nın keçmiş idman direktoru Erik Abidal Frenki de Yonqla necə danışıqlar apardığını yada salıb.

Komanda.az “Barca Universal”-a istinadən xəbər verir ki, Kataloniya klubunun keçmiş nümayəndəsi De Yonqun transferini belə gerçəkləşdirdiyini bildirib:

“Ayaks” UEFA Çempionlar Liqasında “Real”ı məğlub etdikdən sonra bir çox top-klublar De Yonqu transfer etmək istədi. O, mənə PSJ-nin baş məşqçisi ilə danışdığını və ora getməyi planlaşdırdığını söylədi. Mən ona cavab verdim: “Barselona” səni bir klub olaraq istəyir, burada söhbət konkret məşqçidən getmir”.

Niderlandlı yarımmüdafiəçi 2019-cu ilin yayında “Ayaks”dan Kataloniya klubuna keçib. Onun keçidi “Barselona”ya 86 milyon avroya başa gəlib.