“O bunu bilir” – Sulşer

İngiltərənin “Mançester Yunayted” klubunun baş məşqçisi Ole-Qunnar Sulşer komandanın qapıçısı David de Xea ilə bağlı açıqlama verib.

Komanda.az İngiltərə mətbuatına istinadən xəbər verir ki, cari mövsümün sonunda “qırmızı şeytanlar”la müqaviləsi başa çatacaq ispan qapıçı haqqında danışan norveçli mütəxəssis, bunları deyib:

“De Xeanın bizimlə qalmasını istəyirəm və o bunu bilir. David dünyanın ən yaxşı qapıçısıdır. O, illərdir bunu sübut edir.

Ümid edirəm ki, de Xea karyerasının sonuna qədər “Mançester Yunayted”də oynayar. Onunla danışıqlar davam edir və bu danışıqların müsbət yekunlaşacağına inanıram”.

28 yaşlı qapıçı 2011-ci ildən Mançester təmsilçisinin şərəfini qoruyur.