De Xea İtaliya klubu ilə anlaşıb

David de Xea özünə yeni komanda tapıb.

Komanda.az İtaliya klubunun rəsmi saytına istinadən xəbər verir ki, ispaniyalı futbolçu “Fiorentina”nın heyətində çıxış edəcək.

33 yaşlı qolkiper “bənövşəyillər”ə azad agent kimi qoşulub. Tərəflər arasında 2025-ci ilin iyun ayının sonuna qədər olan müqavilə bağlanıb.

De Xea bir ildən çoxdur ki, klubsuz idi. İspan futbolçu ötən mövsümün sonunda “Mançester Yunayted”dən ayrılıb. O, 2011-2023-cü illərdə “qırmızı şeytanlar”da çıxış edib.