“Oyunumuzu bəyəndim” – Millinin baş məşqçisi

İspaniya millisinin baş məşqçisi Luis de la Fuente UEFA Millətlər Liqasının qrup mərhələsinin 4-cü turunda Serbiya yığmasına qalib gəldikləri (3:0) oyun haqda danışıb.

Komanda.az UEFA-nın mətbuat xidmətinə istinadən xəbər verir ki, ispaniyalı çalışdırıcı komandanın çıxışını belə davam etdirməsini istədiyini bildirib:

“Oyunumuzu bəyəndim. Komandanın çıxışını belə davam etdirməsini istəyirəm. Yüksək səviyyədə bir matç oldu. Komanda qurmağa davam edirik. İndi çoxlu əla futbolçularımız var. Komanda qrupda qalan görüşlərdə qalib gəlib pley-offa yüksəlmək əzmindədir”.

İspaniya yığması 4 oyundan sonra 10 xal toplayıb və qrupda 1-ci yerdədir.