De Bruyne: “Ailəm bir az qorxur və narahatdır”

“Mançester Siti”nin yarımmüdafiəçisi Kevin De Bruyne klubdan ayrılmaq qərarının verildiyi andakı hisslərindən danışıb.

Komanda.az xarici KİV-ə istinadən xəbər verir ki, belçikalı futbolçu ailəsinin narahat olduğunu söyləyib:

“Nə hiss edəcəyimi bilmirəm, çoxdandır buradayam. Düşünürəm ki, ailəm bir az qorxur və narahatdır. Çünki bundan sonra nə olacağı hələ məlum deyil”.

De Bruyne bu mövsüm bütün turnirlərdə 33 oyun keçirib, 5 qol vurub və 8 məhsuldar ötürmə edib. Onun “şəhərlilər”lə hazırkı müqaviləsi bu il iyunun 30-da başa çatacaq. Klub müqaviləni yeniləməmək qərarına gəlib.