De Bruyne İtaliya klubu ilə anlaşıb

“Mançester Siti”dən ayrılacağını açıqlayan Kevin De Bruyne karyerasını İtaliyada davam etdirəcək.

Komanda.az xarici KİV-ə istinadən xəbər verir ki, belçikalı yarımmüdafiəçi A Seriyasının son qalibi “Napoli” ilə anlaşıb.

De Bruyne İtaliya klubu ilə 3 illik müqavilə imzalayacaq. 33 yaşlı oyunçunun “Napoli”də illik maaşı 6 milyon avro olacaq.

Kevin  De Bruyne 2015-ci ildən “Mançester Siti”də  çıxış edir. Belçika millisinin üzvü 10 ilə ərzində “şəhərlilər”in heyətində  meydana çıxdığı 421 rəsmi  matçda 108 qol və 177 məhsuldar ötürmə ilə yadda qalıb.