“De Bruyne ilə oynamaqdan zövq alıram” – Haland

“Mançester Siti”nin hücumçusu Erlinq Haland İngiltərə kubokunun 1/8 finalında “Luton” üzərində qazanılan qələbəni (6:2) şərh edib.

Komanda.az BBC-yə istinadən xəbər verir ki, o, eyni zamanda, fiziki durumundan da danışıb:

“Oyun planımız var idi və hamı onu yaxşı yerinə yetirdi. Hamı yaxşı oynadı. Kevin de Bruyne əladır. O, ən yaxşısını edir. Onunla oynamaq çox xoşdur. İkimiz də nə istədiyimizi bilirik. Birlikdə yaxşı çıxış edirik. O, ağıllı oyunçudur və onunla oynamaqdan zövq alıram.

Mənim fiziki formam? Ən yaxşı vəziyyətə qayıdıram. Nəhayət, özümü yaxşı hiss edirəm. Bu, heyrətamiz hissdir. Həyəcanlı anlar qarşıdadır. Biz hərəkətə keçməyə hazırıq”.

Haland 2022-ci ildə 60 milyon avro qarşılığında Dortmund “Borussiya”sından “Mançester Siti”yə keçib.