DÇ-2026: Azərbaycan millisinin seçmə mərhələdəki rəqibləri bilindi

Futbol üzrə Azərbaycan millisinin 2026-cı il dünya çempionatının Avropa zonası üzrə seçmə mərhələsindəki rəqibləri məlum olub.

Komanda.az xəbər verir ki, İsveçrənin Sürix şəhərində təşkil olunan püşkatmada yığma komanda 4-cü səbətdə yer alıb.

Püşkatma nəticəsində komandanın D qrupunda yarışacağı müəyyənləşib. Milli Fransa/Xorvatiya cütünün qalibi, Ukrayna və İslandiya ilə eyni qrupda mübarizə aparacaq.

Fransa və Xorvatiya yığmaları UEFA Millətlər Liqasının oyununda üz-üzə gələcəklər. Qalib gələn tərəf D qrupunda mübarizə aparmaq hüququ qazanacaq.