DÇ-2024: Azərbaycan millisi ilk oyunu səfərdə keçirəcək

DÇ-2024-ün elit-raund mərhələsindəki rəqibləri iyunun 8-də bilinəcək futzal üzrə Azərbaycan millisi ilk matçını səfərdə keçirəcək.

Komanda.az xəbər verir ki, UEFA artıq oyun cədvəlinin ardıcıllığını açıqlayıb.

Sentyabrda rəqib meydanında bu mərhələyə start verəcək milli komanda daha sonra Bakıda görüşə çıxacaq.

Yığma oktyabrda əvvəlcə doğma məkanda, sonra səfərdə oyun keçirəcək. Dekabrda da yenə ilk matçı Bakıda oynayacaq milli mərhələnin son sınağını rəqib meydanında verəcək.

6 dəfə Avropa çempionatının final mərhələsində iştirak etmiş Azərbaycan millisi artıq bir dəfə də dünya çempionatının final mərhələsində gücünü göstərib. 2016-cı ildə Kolumbiyada təşkil olunan mundialda uğurla çıxış edən yığma mübarizəni 1/4 finalda dayandırsa da, yekunda ən güclü 5-ci komanda olmağı bacarmışdı.