Namiq Ələsgərov və daha 6 futbolçu Serbiya ilə oyunda iştirak etməyəcək

DÇ-2022-nin seçmə mərhələsinin 3-cü turunda Serbiyanı qəbul edəcək Azərbaycan yığmasının sözügedən oyun üçün heyəti məlum olub.

Komanda.az UEFA-nın saytına istinadən xəbər verir ki, yığmanın baş məşqçisi Canni De Byazi Serbiya ilə matç üçün heyətə 23 futbolçu daxil edib. İtalyan mütəxəssis qarşılaşmanın “23-lüy”ünə Namiq Ələsgərov, Amil Yunanov, Amin Seydiyev, Bəhlul Mustafazadə, Rəhim Sadıxov, Tellur Mütəllimov və Xəyal Nəcəfovu daxil etməyib.

Bu gün Bakı Olimpiya stadionunda keçiriləcək Azərbaycan – Serbiya matçı saat 20:00-da start götürəcək.

Azərbaycan millisinin heyəti:

Qapıçılar: Emil Balayev, Şahrudin Məhəmmədliyev, Mehdi Cənnətov;
Müdafiəçilər: Maksim Medvedev, Bədavi Hüseynov, Anton Krivotsyuk, Abbas Hüseynov, Azər Salahlı, Elvin Bədəlov, Şəhriyar Əliyev, Sərtan Taşkın, Təmkin Xəlilzadə;
Yarımmüdafiəçilər: Emin Mahmudov, Coşqun Diniyev, Vüqar Mustafayev, İsmayıl İbrahimli, Aleksey İsayev, Elvin Cəfərquliyev, Toral Bayramov;
Hücumçular: Ramil Şeydayev, Mahir Emreli, Əli Qurbani, Anatoli Nuriyev.