İngiltərə millisinin futbolçuları irqçiliyə məruz qaldı

DÇ-2022-nin seçmə mərhələsi çərçivəsində keçirilən Macarıstan – İngiltərə matçında xoşagəlməz hadisə yaşanıb.

Komanda.az xəbər verir ki, oyun zamanı İngiltərə millisinin futbolçuları Rahim Sterlinq və Cud Bellingem irqçiliyə məruz qalıb. Belə ki, yerli azarkeşlər hər iki futbolçunu “meymun” adlandırıb.

İngiltərə Futbol Assosiasiyası məsələ ilə bağlı FİFA-ya şikayət edəcək.

İngiltərə yığması Macarıstanı 4:0 hesabıyla məğlub edib.