DÇ-2022-dən sonra milliylə vidalaşacaq

Tite DÇ-2022-dən sonra Braziliya millisinin baş məşqçisi postunu tərk edəcək.

Komanda.az xarici mətbuata istinadən xəbər verir ki, bu barədə baş məşqçinin özü açıqlama verib:

“Bütün diqqətimi işimə yönəltmişəm. Lakin müqaviləmin müddəti barədə məlumatlıyam. Bu, dünya çempionatının sonuna qədər davam edəcək”.

Braziliya millisi DÇ-2022-də uğur qazansa belə, Titenin yığmanın baş məşqçi postunu tərk edəcəyi bildirilir.

Tite milli komandanın “sükanı arxasına” 2016-cı ilin yayında keçib. O, milli ilə 2019-cu ildə Amerika kubokunu qazanıb.