Dayerin “Tottenhem”dən tələbi

“Tottenhem”in futbolçusu Erik Dayerin klubdakı gələcəyi müzakirə edilir.

Komanda.az xarici mətbuata istinadən xəbər verir ki, London klubu 26 yaşlı futbolçuyla müqavilənin müddətini uzatmaq niyyətindədir. Dayer yeni müqavilə ilə illik 5 milyon avro məvacib tələb edir. Klubun futbolçuyla danışıqları davam etdirdiyi bildirilir.

Dayerin “Tottenhem”dəki hazırkı məvacibi bonuslar daxil olmaqla illik 3,6 milyon avrodur.

2014-cü ildən “Tottenhem”də çıxış edən Dayerin klubla müqaviləsi 2021-ci ilin yayında başa çatacaq.